ایشین ہاکی چیمپئنز ٹرافی، پاک بھارت ٹاکرا آج شام 7.30 بجےمتوقع

نیوزٹوڈے: پاکستان آج میئر رادھا کرشنن اسٹیڈیم میں جاری ایشین ہاکی چیمپئنز ٹرافی 2023 کے پانچویں معرکے میں روایتی حریف بھارت سے مقابلہ کرے گا۔ مین ان گرین فی الحال پوائنٹس ٹیبل میں پانچ پوائنٹس کے ساتھ چوتھے نمبر پر ہے اپنے پچھلے میچ میں چین کے خلاف 2-1 کی آرام سے فتح کے بعد، ٹورنامنٹ میں اپنی پہلی جیت درج کرائی۔مہم کے افتتاحی میچ میں، پاکستان کو ملائیشیا کے ہاتھوں 3-1 سے شکست ہوئی، لیکن کوریا اور جاپان کے خلاف دوسرے اور تیسرے میچوں میں واپسی ہوئی، دونوں گیمز ڈرا پر ختم ہوئے۔

دوسری طرف ہندستان پوائنٹس ٹیبل پر سرفہرست ہے، جس نے چار میں سے تین مقابلوں میں کامیابی حاصل کی جبکہ ایک گیم ڈرا میں ختم کر کے سیمی فائنل میں جگہ حاصل کی۔ یہ مقابلہ گرین شرٹس کے لیے اہمیت کا حامل ہے، کیونکہ جیت یا ڈرا انہیں پوائنٹس ٹیبل پر چوتھے نمبر پر رہنے کی اجازت دے گا۔پاکستان کے لیے انتہائی اہم مقابلہ چنئی کے میئر رادھا کرشنن اسٹیڈیم میں پاکستانی وقت کے مطابق شام 7:30 بجے شروع ہوگا۔لائیو سٹریم پاکستان بمقابلہ انڈیا لائیو میچ پاکستان میں ہاکی شائقین کے لیے پی ٹی وی اسپورٹس پر دستیاب ہوگا جبکہ واچ ہاکی کی آفیشل ایپ بھی اس اہم مقابلے کو براہ راست نشر کرے گی۔