ایشیا کپ:پاکستان اور نیپال کی ٹیمیں افتتاحی میچ کے بعد سری لنکا روانہ
- 31, اگست , 2023
نیوزٹوڈے: بدھ کو ایشیا کپ 2023 کے افتتاحی میچ میں پاکستان نے نیپال کو یکطرفہ مقابلے کے بعد 238 رنز سے شکست دی تھی۔ کپتان بابر اعظم اور افتخار احمد کی شاندار بیٹنگ کی وجہ سے نیپال کو 343 رنز کا ہدف دیا گیا تھا۔ بابر اعظم نے نیپال کے خلاف151 رنز کی شاندار اننگز کھیلی جبکہ افتخار احمد 71 گیندوں پر 109 رنز کی جارحانہ اننگز کھیل کر ناقابل شکست رہے۔جبکہ دوسری ٹیم 24 ویں اوور میں 104 رنز بنا کر آؤٹ ہوگئی تھی میچ کے بعد پاکستان اور نیپال کی ٹیمیں ملتان سے کولمبو روانہ ہوگئی ہیں۔
پاکستان اور بھارت کے درمیان ایشیا کپ کا اہم میچ 2 ستمبر کو پالی کیلے میں کھیلا جائے گا جبکہ نیپال کی ٹیم 4 ستمبر کو بھارت کے ساتھ کھیلے گی۔ ایشیا کپ ٹورنامنٹ ہائبرڈ ماڈل کے تحت کھیلا جارہا ہے جس میں ایونٹ کے 4 میچز پاکستان اور 9 میچز سری لنکا میں ہوں گے۔
تبصرے