پاک فوج کی بین الاقوامی مقابلوںمیں شاندار فتح کے ساتھ نئی تاریخ رقم
- 13, ستمبر , 2023
نیوزٹوڈے: انٹر سروسز پبلک ریلیشنز (آئی ایس پی آر) نے پیر کو کہا کہ پاکستان نے برطانیہ کے شہر بسلے میں ہونے والی یورپی لانگ رینج چیمپئن شپ جیت کر تاریخ رقم کی۔ رائفل شوٹنگ چیمپئن شپ کا آغاز 5 ستمبر کو بسلے میں ہوا، جہاں پاکستانی ٹیم نے انفرادی میچوں میں 12 ممالک کے 80 سے زائد بین الاقوامی شوٹرز اور ٹیم میچوں میں 12 گروپس کے ساتھ مقابلہ کرنے کے لیے پہلی مرتبہ اس مقابلے میں شرکت کی۔
فوج کے میڈیا ونگ نے مزید کہا، "ورلڈ چیمپیئن شپ کے بعد، یورپی پلیٹ فارم کو اس زمرے کا دوسرا سب سے بڑا ایونٹ سمجھا جاتا ہے۔" آئی ایس پی آر کا مزید کہنا تھا کہ پاکستان کے لیفٹیننٹ جنرل احسن گلریز اور کرنل جنید وقاص نے چاندی کے تمغے جیتے جبکہ لیفٹیننٹ کرنل جنید علی نے سونے کا تمغہ جیتا، یہ بین الاقوامی لانگ رینج ایونٹ میں پاکستان کی جانب سے جیتنے والا پہلا بین الاقوامی تمغہ ہے۔ سپیکر قومی اسمبلی راجہ پرویز اشرف نے میڈلز جیتنے پر لانگ رینج ٹیم کو مبارکباد دی۔
تبصرے