بینکوں کو بھی 29 ستمبر کو بند رکھنے کا اعلان

22, ستمبر , 2023

نیوزٹوڈے: اسٹیٹ بینک آف پاکستان (SBP) نے جمعہ کے روز اعلان کیا کہ عید میلاد النبی کے موقع پر اگلے جمعہ 29 ستمبر 2023 کو بند رہے گا۔مرکزی بینک نے ایک بیان میں کہا، "اسٹیٹ بینک آف پاکستان 29 ستمبر 2023 (جمعہ) کو عید میلاد النبی (12 ربیع الاول، 1445 ہجری) کے موقع پر عام تعطیل کی وجہ سے بند رہے گا۔

اس موقع پر کمرشل بینک بھی بند رہیں گے۔بینکنگ سیکٹر کے علاوہ، پاکستان اسٹاک ایکسچینج لمیٹڈ (PSX) نے پہلے اعلان کیا تھا کہ یہ اسی دن بھی بند رہے گا۔ "تمام TRE سرٹیفکیٹ ہولڈرز، عملے اور متعلقہ افراد کو مطلع کیا جاتا ہے کہ پاکستان اسٹاک ایکسچینج لمیٹڈ 29 ستمبر 2023 بروز جمعہ (12 ربیع الاول عید میلاد النبی صلی اللہ علیہ وسلم) کے موقع پر بند رہے گا۔" ہر سال دنیا بھر کے مسلمان 12 ربیع الاول کو حضور اکرم صلی اللہ علیہ وسلم کی ولادت کا جشن مناتے ہیں جسے مقامی طور پر عید میلاد النبی کے نام سے جانا جاتا ہے۔