میانوالی سے لاہور جانے والی مسافر ٹرین شیخو پورہ کے قریب مال گاڑی سے ٹکرا گئی

25, ستمبر , 2023

نیوز ٹوڈے : میانوالی سے لاہور جانے والی ٹرین شیخو پورہ کے علاقے قلعہ ستار شاہ کے قریب ٹریک پر کھڑی مال گاری سے ٹکرا گئی اس حادثے میں مسافر ٹرین کی 4 بوگیاں پٹڑی سے اتر گئیں جس کے نتیجے میں 31 افراد زخمی ہو گۓ زخمیوں میں خواتین اور بچے بھی شامل ہیں ان میں سے 5 زخمیو ں کی حالت تشویشناک ہے لگاتار دو دنوں میں اس ٹریک پر یہ دوسرا حادثہ پیش آیا ہے گزشتہ روز بھی کانٹا غلط تبدیل کرنے کی وجہ سے مال گاڑی الٹ گئی تھی اور اس مال گاڑی کی چار بوگیاں پٹڑی سے اتر گئی تھیں ۔

اور آج بھی ایسا ہی حادثہ پیش آیا ہے کہ کانٹا تبدیل نہ کرنے کی وجہ سے 31 افراد زخمی ہو گۓ زخمیوں کو قریبی ہسپتال منتقل کر دیا گیا ہے ریلوے حکام نے معاملے کا فوری نوٹس لیتے ہوۓ ٹرین کے ڈرائیور اور اسسٹنٹ ڈرائیور کو معطل کر دیا ہے ٹرین ڈرائیور عمران سرور اور اسسٹنٹ ڈرائیور کا نام محمد بلال ہے حادثے میں ڈرائیور اور اسٹنٹ ڈرائیور بھی زخمی ہوۓ ہیں حادثے میں کئی بوگیوں اور ٹرین کے انجن کو بھی نقصان پہنچا ہے ۔