کرکٹ میچ سے پہلے کھلاڑی بچوں کے ساتھ میدان میں کیوں آتے ہیں؟

نیوزٹوڈے: کرکٹ ورلڈ کپ دیکھتے ہوئے آپ نے نوٹ کیا ہوگا کہ ہر میچ کی شروعات میں قومی ترانے سے پہلے دونوں ٹیمیں بچوں کے ہمراہ میدان میں داخل ہوتی ہیں۔ یہ عمل اصل میں فٹبال کے مقابلوں کا ایک حصہ ہے جسے اب کرکٹ میں بھی رواج دیا جا رہا ہے۔ تو سوال یہ ہے کہ یہ روایت کیوں قائم کی گئی؟یہ سمجھنا چاہئے کہ میدان میں کھلاڑیوں کے ساتھ آنے والے بچے 'پلیئر ایسکارٹس' یا 'ماسکوٹ چلڈرن' کہلاتے ہیں، اور بین الاقوامی فٹبال میں یہ تقریباً بیس سال سے زیادہ وقت سے جاری ہے۔

فٹبال میں بچوں کی شرکت فیفا اور یونیسیف کے مابین معاہدے کا نتیجہ تھی، جس کا مقصد بچوں کے حقوق کی ترویج اور کھیلوں کے اندر معصومیت کے عنصر کو بڑھاوا دینا تھا۔کرکٹ میچز کے دوران بچوں کو میدان میں کیوں لایا جاتا ہے، اس کی مخصوص وضاحت تو موجود نہیں ہے۔گمان ہے کہ اس کے ذریعے ٹیمیں اور آئی سی سی کھیل کے مستقبل کی اہمیت اور نئی نسل کی تعریف کرتے ہیں، اور یہ بچے آنے والی نسل کے کھلاڑیوں کے نمائندہ ہوتے ہیں۔

بچوں کی شمولیت سے کھیل کی ایک مثبت اور پاکیزہ تصویر پیش کی جاتی ہے۔ یہ روایت کھلاڑیوں کو یاد دہانی کراتی ہے کہ وہ بچوں کے لئے اسوہ ہیں اور ان کو اپنے کردار کے اچھے پہلو عوام کے سامنے لانے چاہئیں۔یہ بھی ممکن ہے کہ اس طرح سے نوجوانوں میں کرکٹ کی دلچسپی اور جوش بڑھانے کی کوشش کی جاتی ہو۔ان بچوں کا انتخاب عموماً کسی تشہیری مہم کے دوران کیا جاتا ہے، جہاں چھ سے اٹھارہ سال کی عمر کے بچوں کو منتخب کیا جاتا ہے۔