عوام کو آئی فون قسطوں پر فراہم کیے جائیں گے، نگراں حکومت کا اعلان

08, جنوری , 2024

نیوز ٹوڈے : وزارت انفارمیشن ٹیکنالوجی اور ٹیلی کمیونیکیشن نے ٹیلی کام آپریٹرز کے تعاون سے پاکستانی فری لانسرز کو آسان اقساط میں آئی فونز دینے کا منصوبہ تیار کیا ہے۔ نگراں حکومت نے کنٹریکٹ بیسڈ اسمارٹ پالیسی متعارف کرائی ہے ، جس کا اطلاق 12 جنوری 2024 سے کیا جائے گا۔ ذرائع کے مطابق نگراں حکومت کا یہ پروگرام صارفین کو آسان قسطوں کے منصوبے کے ذریعے جدید ترین ماڈل فونز حاصل کرنے کے قابل بنائے گا۔

نگراں وفاقی وزیر نے بتایا کہ PTAقسط کی ادائیگی میں ناکامی کی صورت میں ہینڈ سیٹس کو بلاک کرنے کے لیے ڈیوائس آئیڈنٹیفیکیشن ، رجسٹریشن اور بلاکنگ سسٹمز کو نافذ کرے گی۔ عمر سیف نے مزید کہا کہ اس پالیسی کا مقصد بنیادی ذمہ دارانہ مالیاتی رویے کو فروغ دینا اور ملک بھر میں اسمارٹ فونز کی رسائی کی مسلسل توسیع کو یقینی بنانا ہے۔

A very good summary of some of our work in the past 4 months to unlock Pakistan’s potential … pic.twitter.com/1tEYqkwfTj
— Umar Saif (@umarsaif) January 7, 2024