حکومت نے فری لانسرز کو بڑی خوشخبری سنا دی

11, جنوری , 2024

نیوزٹوڈے: وفاقی حکومت نے پاکستانی فری لانسرز کے لیے 10 ہزار ای روزگار سینٹرز کے قیام کا اعلان کیا ہے۔ وزیر آئی ٹی نے کہا کہ ملک میں 1.5 لاکھ فری لانسرز باقاعدگی سے کام کر رہے ہیں، ان میں سے بہت سے فری لانسرز کو زیادہ تر سہولیات تک رسائی نہیں ہے۔ انہوں نے کہا کہ ہر سینٹر میں 100 افراد کے کام کرنے کی گنجائش ہو گی اور ہر سینٹر میں 100 ورکنگ سٹیشنز یعنی 10 لاکھ فری لانسرز کی سہولت ہو گی۔یہ دس لاکھ فری لانسرز سالانہ دس ارب ڈالر کا زرمبادلہ کما سکیں گے۔ نگراں حکومت کے 4 ماہ میں وزارت آئی ٹی اور ٹیلی کمیونیکیشن کا کامیاب ترین دور رہا، انفارمیشن اینڈ ٹیلی کمیونیکیشن سیکٹر کے فروغ کے لیے 13 انقلابی اقدامات کیے گئے۔

اس سے قبل اسٹیٹ بینک کی جانب سے ملک میں برآمدی آمدنی کو فارن کرنسی اکاؤنٹس میں رکھنے کی حد 35 سے بڑھا کر 50 فیصد کردی گئی تھی۔