مہنگائی سے پریشان پاکستانیوں کیلئے خوشخبری

01, فروری , 2024

نیوزٹوڈے: وفاقی وزارت خزانہ نے پاکستان میں مہنگائی میں کمی کی پیشگوئی کی ہے۔ رپورٹ کے مطابق جنوری 2024 میں مہنگائی 27.5 سے 28.5 فیصد کے درمیان رہنے کا امکان ہے اور رواں ماہ مہنگائی مزید کم ہو کر 26.5 سے 27.5 فیصد رہنے کی پیش گوئی کی گئی ہے۔ رپورٹ میں مزید کہا گیا ہے کہ مالی سال کی پہلی ششماہی میں معاشی استحکام آیا ہے، مالی سال کی دوسری ششماہی میں برآمدات اور ترسیلات زر میں اضافہ متوقع ہے۔ گندم کی کاشت مقررہ ہدف سے 1.8 فیصد بڑھ گئی، گندم کی پیداوار کا مقررہ ہدف 32.1 ملین ٹن حاصل کیا جائے گا، سال کی پہلی ششماہی میں کرنٹ اکاؤنٹ خسارہ 831 ملین رہا، گزشتہ سال اسی عرصے میں کرنٹ اکاؤنٹ خسارہ دسمبر میں 3.6 بلین ڈالر تھا۔ 2023 میں موجودہ خسارہ 379 ملین سرپلس ہے۔