امریکہ کے فوجی ہیلی کاپٹر حادثہ میں 5 فوجی جاں بحق

09, فروری , 2024

نیوز ٹوڈے : امریکہ کی ریاست (کیلفورنیا میں سان ڈیاگو کے پہاڑوں میں) ایک امریکی فوجی ہیلی کاپٹر حادثے کا شکار ہو گیا ـ ہیلی کاپٹر میں 5 فوجی سوار تھے ـ امریکی فوج نے ہیلی کاپٹر میں سوار پانچوں لاپتہ ہو جانے والے فوجیوں کی موت کی تصدیق کر دی ہے ـ منگل کے روز ( سی ایچ 53 ای ) سپر اٹالین ہیلی کاپٹر لاس ویگاس کے باہر تربیت کے بعد میرین کورا ایئر اسٹیشن سے واپس آتے ہوۓ سان ڈیاگو کے پہاڑوں میں لاپتہ ہو گیا تھا -

اور اس وقت اس ہیوی ڈیوٹی ہیلی کاپٹر میں پانچ افراد سوار تھے ـ ہیلی کاپٹر کا رابطہ منقطع ہونے کے فوراً بعد ہی امریکی حکام نے ہائی الرٹ جاری کرتے ہوۓ ہیلی کاپٹر کی تلاش شروع کر دی تھی ـ اور جمعرات کے روز امریکی فوج نے ہیلی کاپٹر کے تباہ ہونے اور فوجیوں کی ہلاکت کی تصدیق کر دی ہے ـ یہ ہیلی کاپٹر تربیتی پرواز پر تھا ـ حادثے کی وجوہات معلوم کرنے کی کوشش کی جا رہی ہے -