روس کے "سیٹلائٹ شکن" ہتھیار کی تیاری کی خبر نے امریکہ اور یورپ کی نیندیں اڑا دیں

17, فروری , 2024

نیوز ٹوڈے : "وائٹ ہاؤس" کی جانب سے اس خبر کی تصدیق کی گئ ہے کہ روس نے ایک نیا "سیٹلائٹ شکن" ہتھیار تیار کر لیا ہے - اس خبر کی تصدیق وہائٹ ہاؤس کی قومی سلامتی کے ترجمان (جان کربی) نے کی ہے ۔ جان کربی نے کہا ہے کہ امریکہ کے انٹیلیجینس حکام کو یہ معلومات حاصل ہوئ ہیں کہ "روس نے ایک پریشان کن سیٹلائٹ شکن ہتھیار تیار کر لیا ہے" -

روس نے اس امریکی تشویش کو مسترد کرتے ہوۓ اسے امریکہ کی چال قرار دیا ہے ۔ کریملن کے ترجمان (دیمیتری پیسکوف) نے امریکہ کی ان افواہوں کو یوکرین کیلیے امریکی کانگریس کی مدد کی ایک سازش قرار دیا ہے - اور دوسرا وہائٹ ہاؤس کی یہ افواہ روس کو عالمی سطح پر بدنام کرنے کی ایک سازش ہے ۔ کیونکہ اسپیس میں ایسے ہتھیاروں کا استعمال عالمی قوانین کی خلاف ورزی ہے اور روس سمیت 130 سے زائد ممالک نے ایک ایسے معاہدے پر دستخط کیے ہوۓ ہیں جس کی رو سے خلا میں ایسے ہتھیار ہرگز استعمال نہیں کیے جائیں گے -