دنیا کا خطرناک ترین وائرس تیار

19, فروری , 2024

نیوزٹوڈے: چینی سائنسدانوں نے ایک خطرناک MUTANT وائرس GX-P2V سے متعلق حالیہ ایک تحقیق شائع کی ہے۔ رپورٹ کے مطابق چینی سائنسدانوں نے اس وائرس سے انسانی GENES کے حامل چوہوں پر تجربہ کیا جس کے نتیجے میں ان تمام چوہوں میں موت کی شرح 100 فیصد پائی گئی۔

کورونا وائرس کے ذمہ دار شخص کا تاحال پتہ نہیں چل سکا لیکن چینی لیبارٹری میں اس وائرس کے تجربے نے ایک بار پھر دنیا کو تشویش میں ڈال دیا ہے۔ کورونا وائرس سے متعلق یہ وائرس ملائیشیا کے میکاک پینگولین میں دریافت ہوا تھا۔ اس وائرس سے اموات کی شرح کورونا سے کہیں زیادہ ہے۔ ماہرین کا کہنا ہے کہ چوہے صرف آٹھ دن کے اندر مر گئے۔ پہلے وائرس نے چوہوں کو کمزور کرنا شروع کیا اور اس کی حرکت میں سستی دکھائی اور وائرس نے چوہوں کے پھیپھڑوں، ہڈیوں، آنکھوں، گلے اور دماغ کو متاثر کیا اور مرنے سے ایک دن پہلے ان کی آنکھیں بالکل سفید ہو گئیں۔