ورزش مردوں سے زیادہ خواتین کے لیے فائدہ مند کیوں ہے؟ وجہ سامنے آگئی

23, فروری , 2024

نیوزٹوڈے: ایک تحقیق میں بتایا گیا ہے کہ ورزش کرنا مردوں کے مقابلے خواتین کے لیے زیادہ فائدہ مند ہے۔ کیلیفورنیا میں سیڈرز سینائی میڈیکل سینٹر کے سمڈ ہارٹ انسٹی ٹیوٹ میں کی گئی ایک تحقیق میں چار لاکھ امریکیوں کے ڈیٹا کا مطالعہ کیا گیا۔ تحقیق میں بتایا گیا کہ جو خواتین باقاعدگی سے ورزش کرتی ہیں ان میں مردوں کے مقابلے میں قبل از وقت موت کا امکان کم ہوتا ہے۔ جو خواتین ورزش کرتی ہیں ان میں ہارٹ اٹیک، فالج اور دیگر خطرات کے امکانات 36 فیصد کم ہوتے ہیں جبکہ مردوں میں یہ شرح 14 فیصد ہے۔ محققین کے مطابق ان نتائج میں فرق کی ممکنہ طور پر مختلف وجوہات ہو سکتی ہیں جن میں سے ایک مختلف فزیالوجی ہے۔ چونکہ مردوں کے پھیپھڑوں کی جگہ زیادہ ہوتی ہے، دل بڑا ہوتا ہے، دبلے پتلے جسم کا حجم زیادہ ہوتا ہے اور پٹھوں سے فوری توانائی کے اخراج کی شرح زیادہ ہوتی ہے۔ ان تمام خصوصیات کی وجہ سے مردوں میں خواتین کے مقابلے زیادہ طاقت پیدا ہوتی ہے۔ تاہم، خواتین مردوں کے مقابلے ورزش میں زیادہ محنت کرتی ہیں۔