لاہور اقبال ٹاؤن میں ( ایف آئی اے ) کا چھاپہ ، جعلی ویزا ایجنسی کے تین افراد گرفتار

02, اپریل , 2024

نیوز ٹوڈے : ( ایف آئی اے ) نے کارروائی کرتے ہوۓ لاہور کے علاقہ "اقبال ٹاؤن" میں سے جعلی ویزا ایجنسی کے کاروبار ملوث افراد کو گرفتار کر لیا - ڈائریکٹر ( ایف آئی اے ) سرفراز ورک کے مطابق اس کارروائی کے دوران انسا نی سمگلنگ اور ویزہ فراڈ میں شامل 3 افراد کو گرفتار کیا گیا ہے جن کے پاس سے 130 پاسپورٹ اور مختلف کاغذات بر آمد ہوۓ ہیں -

ڈائریکٹر ( ایف آئی اے ) کا کہنا تھا کہ یہ لوگ دوسرے ملکوں میں ملازمت کے نام پر لوگوں سے بھاری رقمیں وصول کرتے اور اوپر سے میڈیکل کا چکر دے کر ان سے پاسپورٹ بھی لے لیا کرتے تھے - اس کارروائی کے دوران گرفتار ہونے والے ملزمان کے نام فاروق ، شاہد علی اور عمر فاروق ہیں ملزمان سے مزید تفتیش کا عمل شروع کر دیا گیا ہے -