دوران ورزش ہیڈ فونز پر ’تلاوت قرآن‘ سننا کیسا ہے؟ علمائے کرام کی وضاحت

06, اپریل , 2024

نیوزٹوڈے: امریکا میں مقیم پاکستانی نے علما سے سوال کیا کہ ، میں جم میں وزرش کرنے کے دوران ہینڈ فری لگا کر تلاوت سنتا ہوں، وہاں پیچھے تیز آواز میں گانے چل رہے ہوتے ہیں لیکن میں تلاوت سن رہا ہوتا ہوں تو کیا یہ عمل ٹھیک ہے؟ اس کے جواب میں مفتی قادری نے بتایا کہ حکم ربی ہے کہ جب بھی قرآن پڑھا جائے تو خاموش رہو اور غور سے سنو، لہذا تلاوت قرآن کی بجائے کوئی اور ذکر اذکار کی آڈیو لگائیں تو بہتر ہے۔ انہوں نے صارف کو خوب سراہا کہ یہ نیت تو بہت اچھی ہے، علماء کے نذدیک یہ عمل نامناسب ضرور ہے لیکن گناہ نہیں ہے۔

اس حوالے سے شعیہ عالم دین کا کہنا تھا کہ فقہ جعفریہ میں یہ معاملہ تھوڑا مختلف ہے، انہوں نے بتایا کہ ایسی حالت میں حمد نعت یا کوئی دعائیں اور مناجات حتی کے قرآن بھی ترجمے کے ساتھ سن سکتے ہے۔