واٹس ایپ کے آئی فون صارفین کے لیے بڑی خوشخبری

واٹس ایپ نے اکتوبر 2023 میں اینڈرائیڈ صارفین کے لیے پاسکیز فیچر متعارف کرایا تھا اور اب اسے آئی فونز پر بھی متعارف کرایا گیا ہے۔پاس کیز کی بدولت صارفین کے لیے بغیر پاس ورڈ کے واٹس ایپ میں لاگ ان ہونا ممکن ہو جائے گا۔

پاسکیز بنیادی طور پر ڈیجیٹل کیز ہیں جو زیادہ محفوظ ہونے کے ساتھ استعمال کرنا آسان ہیں کیونکہ وہ ویب سرور پر محفوظ نہیں ہیں۔پاس ورڈز کے برعکس، ایک پاس کی خود بخود بن جاتی ہے اور اسے دوبارہ استعمال نہیں کیا جا سکتا۔ لیکن صارفین کے لیے، تجربہ بالکل ویسا ہی ہوگا جب وہ پاس ورڈ آٹو فل استعمال کرتے ہیں۔

یہ فیچر ان علاقوں میں بہت کارآمد ہو گا جہاں سیلولر سروس ناقص ہے لیکن انٹرنیٹ تک رسائی ممکن ہے۔فی الحال آئی فونز کے لیے ایس ایم ایس لاگ ان کوڈ مرکزی ہو گا، اس لیے فون نمبر ہیک ہونے کی صورت میں واٹس ایپ اکاؤنٹ بھی ضائع ہو جائے گا۔ لیکن پھر بھی پاسکیز سپورٹ آئی فونز کے لیے اچھی خبر ہے۔

خصوصیت کا استعمال کیسے کریں؟

سب سے پہلے، یہ یقینی بنائیں کہ آئی فون میں واٹس ایپ کا تازہ ترین ورژن ہے۔

پھر آئی فونز پر واٹس ایپ میں اس فیچر کو استعمال کرنے کے لیے سیٹنگز کھولیں۔ سیٹنگز میں اکاؤنٹ سیکشن میں جائیں اور پاسکیز آپشن کو منتخب کریں اور Create a passkey پر کلک کریں۔ پھر آن اسکرین ہدایات پر عمل کریں جو آپ کو آئی فون پاس کوڈ، فیس آئی ڈی یا ٹچ آئی ڈی کو پاس کی کے بطور استعمال کرنے کی اجازت دے گی۔