اسلام آباد پولیس نے خبردار کر دیا
- 08, مئی , 2024
نیوزٹوڈے: اسلام آباد پولیس کی طرف سے جاری بیان میں واضح کر دیا گیا ہے کہ وفاقی دارالحکومت اسلام آباد میں دفعہ 144 نافذ العمل ہے۔ اسلام آباد شہر میں قانون کی خلاف ورزی اور بغیر اجازت احتجاج کرنے یا ریلی نکالنے کی کوئی اجازت نہیں دی جائے گی۔
اس پر مزید بیان میں کہا گیا کہ اگر کوئی شخص 9 مئی کو قانون کی خلاف ورزی کرنے کی کوشش کرے، تو اس پر سختی سے نمٹا جائے گا۔ پولیس ہرگز انتشار برداشت نہیں کرے گی اور قانون کی خلاف ورزی کرنے والوں کے خلاف قانونی کارروائی کی جائے گی۔
مخصوص طور پر ذکر کیا گیا کہ چیئرمین پاکستان تحریک انصاف (پی ٹی آئی) بیرسٹر گوہر خان نے 9 مئی کو پُرامن احتجاج کرنے کا اعلان کر رکھا ہے۔ انہوں نے 9 مئی واقعات سے متعلق جوڈیشل کمیشن بنانے کا مطالبہ بھی کیا ہے۔ پی ٹی آئی کے احتجاج میں ٹکٹ ہولڈرز شرکت کریں گے۔
تبصرے