غزہ جنگ میں حصہ لینے والے 10 اسرائیلی فوجیوں نے خودکشی کر لی

15, مئی , 2024

نیوزٹوڈے: غزہ جنگ کی ہولناکی نے صہیونی فوج میں اتنی مایوسی پھیلا دی ہے کہ اب تک 10 اسرائیلی فوجی خودکشی کر چکے ہیں۔
یہ انکشاف اسرائیلی اخبار Haaretz نے کیا ہے جس نے اپنی رپورٹ میں کہا ہے کہ 7 اکتوبر کو حماس کے حملے کے بعد سے غزہ جنگ کے دوران 10 اسرائیلی فوجی خودکشی کر چکے ہیں۔ ان میں سے کچھ فوجیوں نے غزہ میں عین حماس سے جھڑپ کے دوران اپنے ہاتھوں سے ہی اپنی زندگی کا خاتمہ کیا۔

رپورٹ کے مطابق خودکشی کرنے والوں میں جوانوں کے ساتھ ساتھ میجر اور لیفٹیننٹ کرنل تک کے افسران بھی شامل ہیں اور ماہرین کا کہنا ہے کہ جنگ نے فوجیوں کو ذہنی اور نفسیاتی طور پر بری طرح متاثر کیا ہے۔