گوگل سرچ کو ہمیشہ کے لیے تبدیل کر دیا گیا

16, مئی , 2024

نیوز ٹوڈے : 2023 میں، گوگل نے کہا کہ مصنوعی ذہانت (AI) ٹیکنالوجی سرچ کا مستقبل ہے۔اب لگتا ہے کہ کمپنی نے اس پر عمل درآمد شروع کر دیا ہے۔

گوگل نے سالانہ ڈویلپر کانفرنس کے موقع پر سرچ انجن کے لیے AI Overviews کے نام سے ایک فیچر متعارف کرایا ہے۔یہ فیچر سب سے پہلے امریکہ میں متعارف کرایا جا رہا ہے لیکن جلد ہی دنیا بھر کے صارفین کے لیے دستیاب ہو گا۔

کمپنی کے مطابق جب آپ اس فیچر کے ذریعے کسی موضوع کو سرچ کریں گے تو سرچ کے نتائج کے اوپر AI پر مبنی سمری نظر آئے گی۔ درحقیقت یہ سرچ انجنوں کو AI ٹیکنالوجی سے تبدیل کرنے کا آغاز ہے۔

گوگل سرچ کے سربراہ لِز ریڈ نے کہا کہ جنریٹیو اے آئی کے ذریعے گوگل سرچنگ کے علاوہ دیگر چیزوں میں بھی آپ کی مدد کر سکے گا۔ انہوں نے مزید بتایا کہ AI جائزہ کے ذریعے موضوعات کے بارے میں ویب لنکس کے ساتھ سمری کی شکل میں تفصیلات یا جوابات فراہم کیے جائیں گے۔