دلہا دلہن کی برف میں بند ہوکر شادی میں انٹری

21, مئی , 2024

نیوز ٹوڈے : سوئٹزرلینڈ میں ایک جوڑے نے اپنی شادی کو یادگار بنانے کے لیے کچھ ایسا انوکھا کیا کہ دیکھنے والے حیران رہ گئے۔کسی بھی جوڑے کے لیے شادی ایک خوبصورت اور قیمتی لمحہ ہوتا ہے، جسے یادگار بنانے کے لیے دولہا اور دلہن کافی محنت کرتے ہیں۔

دولہا اور دلہن نے اپنی شادی کو یادگار بنانے کے لیے سوئٹزرلینڈ کے برفیلے پہاڑوں کا انتخاب کیا اور شادی کی تقریب 2 ہزار 222 میٹر کی بلندی پر منعقد ہوئی۔شادی میں جوڑے نے برف کے شنک میں انٹری دی اور انہوں نے برف کے شنک میں تصاویر بھی کھنچوائیں، یہی نہیں بلکہ ایسے گانے بجانے کا بھی اہتمام کیا گیا جس کا موضوع برف سے متعلق تھا۔جوڑے کی شادی کی تصاویر اور ویڈیو سوشل میڈیا پر وائرل ہو رہی ہیں، جس پر صارفین کی جانب سے طرح طرح کے تبصرے کیے جا رہے ہیں۔