اسلامی ترقیاتی بنک گروپ کے چیئرمین کے لیے سول ایوارڈ

29, مئی , 2024

نیوز ٹوڈے : سعودی عرب میں پاکستان کے سفیر احمد فاروق نے منگل کے روز جدہ میں اسلامی ترقیاتی بینک (ISDB) کے سربراہ ڈاکٹر محمد سلیمان الجاسر کو 'ہلالِ قائداعظم' میڈل سے نوازا۔ ہلالِ قائداعظم میڈل پاکستان کے اعلیٰ ترین اعزازات میں سے ایک ہے جو غیر ملکی شہریوں کو ملک کے لیے ان کی شاندار خدمات پر دیا جاتا ہے۔

ایوارڈ کی تقریب میں سعودی عرب میں پاکستان کے مشنز اور اسلامی تعاون تنظیم (OIC) کے نمائندوں نے شرکت کی۔جدہ میں پاکستانی قونصل خانے نے کہا کہ "صدر پاکستان نے ڈاکٹر الجاسر کو یہ تمغہ پاکستان کے اقتصادی اور ترقیاتی منصوبوں کے لیے ISDB گروپ کی حمایت اور اہم عالمی فورمز پر پاکستان کی حمایت میں ان کے کلیدی کردار اور قیادت کے لیے دیا۔"

آئی ایس ڈی بی ایک بین الاقوامی مالیاتی ادارہ ہے جو مسلم رکن ممالک میں سماجی و اقتصادی ترقی کو فروغ دیتا ہے۔ پاکستان اس کے 56 اراکین میں سے ایک ہے اور اس نے ISDB کے مختلف منصوبوں سے فائدہ اٹھایا ہے۔