اہم کرکٹر کا اچانک ریٹائرمنٹ کا اعلان

03, جون , 2024

نیوز ٹوڈے : بھارتی کرکٹر دنیش کارتھک نے تمام طرز کی کرکٹ سے ریٹائرمنٹ کا اعلان کر دیا۔بھارتی میڈیا رپورٹس کے مطابق سوشل میڈیا پوسٹ میں دنیش کارتھک کا کہنا تھا کہ میں تمام طرز کی کرکٹ کو خیرباد کہہ رہا ہوں، میں خود کو خوش قسمت سمجھتا ہوں کہ مجھے ملک کی نمائندگی کا موقع ملا۔

انہوں نے کوچز، کپتان، سلیکٹرز اور ساتھی کھلاڑیوں کا بھی شکریہ ادا کیا۔ واضح رہے کہ دنیش کارتھک نے 26 ٹیسٹ، 94 ایک روزہ اور 60 ٹی ٹوئنٹی انٹرنیشنل میچوں میں بھارتی ٹیم کی نمائندگی کی۔

انہوں نے 26 ٹیسٹ میں ایک سنچری اور 7 نصف سنچریوں کی مدد سے 1025 رنز بنائے، 94 ون ڈے میچوں میں کارتک نے 9 نصف سنچریاں بنائیں اور 1752 رنز بنائے۔دنیش کارتک نے 60 ٹی 20 انٹرنیشنل میچوں میں نصف سنچری کی مدد سے 686 رنز بنائے ہیں۔ وکٹ کیپر بلے باز نے انڈین پریمیئر لیگ (آئی پی ایل) میں رائل چیلنجرز بنگلور کی نمائندگی بھی کی۔