اسرائیلی ٹینک شجاعیہ میں داخل ، مزید 40 فلسطینی شہید

یوز ٹوڈے :  غزہ پر صیہونی فوج کی مجرمانہ کارروائیوں میں مزید 40 مظلوم فلسطینی شہید ہو گۓ - اسرائیلی فوج کے ٹینک شمالی غزہ اور خان یونس کے علاقہ جبالیہ میں داخل ہو گۓ ہیں - صیہونی فوج کےلڑاکا طیاروں کی خان یونس کی کئی رہائشی عمارتوں پر بمباری سے 10 فلسطینی شہید ہو گئے جن میں بچے اور عورتیں بھی شامل ہیں - دوسری جانب رفع شہر پر اسرائیلی حملے جاری ہیں پچھلے چوبیس گھنٹوں کے دوران 40 سے زایادہ افراد شہید ہو گۓ - صیہونی فوج کے آپریشن کے بعد تباہ حال جبالیہ اور بیت حنون کو آفت زدہ قرار دیا جا چکا ہے -

دوسری طرف جنوبی لبنان سے حزب اللٰہ نے درجنوں راکٹ اسرائیل پر داغ دیے - اسرائیلی سرحدی علاقہ (کریات شمونہ) پر راکٹ حملوں سے مختلف جگہوں پر آگ بھڑک اٹھی - جرمنی میں ہونےو الی اقوام متحدہ کی ماحولیاتی کانفرنس میں فلسطین کے ساتھ اظہار یک جہتی کرتے ہوۓ عوام نے احتجاجی مظاہرے شروع کر دیے - مظاہرین نے فلسطین کے جھنڈے اور نسل کشی کے دوران کاروبار نہیں ہوگا کے بینرز اٹھا رکھے تھے ـ مشتعل ہجوم تقریب کیلیے بناۓ گۓ اسٹیج کے اوپر چڑھ گیا -