کینیڈین جیل میں 47 عورتوں کا قاتل 74 سالہ سیریل کلر قتل

نیوز ٹوڈے :  سینتالیس عورتوں کو قتل کر کے ان کی لاشیں جانوروں کو کھلانے والا سیریل کلر جیل میں قتل ـ کینیڈا کا بدنام زمانہ سیریل کلر جیل کے اندر قتل کر دیا گیا - میل آن لائن کی رپورٹ کے مطابق 74 سال کے (رابرٹ پکٹن) نے 47 عورتوں کے قتل کا جرم قبول کیا تھا لیکن پراسیکیوٹر کی راۓ کے مطابق اس نے اس سے کہیں زیادہ خواتین کو قتل کیا ہے ـ رابرٹ پکٹن کو خواتین کے قتل کے جرم میں عمر قید کی سزا سنائی گئی تھی- اور وہ جیل میں قید تھا جہاں پر اسے قتل کر دیا گیا - رابرٹ پکٹن نے کینیڈا کے شہر وینکوور کے نزدیک سوؤروں کا ایک فارم بنا رکھا تھا رابرٹ عورتوں کو ورغلا کر اپنے فارم پر لے جاتا اور ان کے ساتھ زیادتی کرکے انہیں قتل کر دیتا اور ان کی لاشوں کے ٹکڑے کرکے سوؤروں کو کھلا دیتا تھا -

کینیڈا کی جیل حکام کے مطابق 19 مئی کو جیل کے اندر ایک قیدی نے پکٹن پر حملہ کر دیا تھا جس سے وہ شدید زخمی ہو گیا- اور اسے ہسپتال منتقل کر دیا گیا تھا - ہسپتال میں زخموں کی تاب نہ لاتے ہوۓ رابرٹ پکٹن چل بسا - رابرٹ پکٹن نے 1990 سے لے کر 2000 تک کی دہائی میں ان عورتوں کو قتل کیا تھا -