ایکس (ٹوئٹر) میں ہر قسم کا مواد پوسٹ کرنے کی اجازت ہے۔

نیوز ٹوڈے :   ایکس (ٹوئٹر)  پر ہر قسم کا مواد پوسٹ کرنے کی باضابطہ اجازت ہے۔ایلون مسک کے زیر ملکیت سوشل میڈیا پلیٹ فارم X نے نامناسب اور پرتشدد پوسٹس کی اجازت دینے کے لیے اپنی پالیسیوں میں تبدیلی کی ہے۔لیکن اس طرح کے مواد کو 18 سال سے کم عمر افراد یا اسے دیکھنے سے انکار کرنے والوں تک پہنچنے سے روک دیا جائے گا۔

کمپنی کی جانب سے یہ اعلان ایک ایسے وقت میں سامنے آیا ہے جب دنیا بھر کے ریگولیٹری اداروں نے X پر زور دیا ہے کہ وہ بچوں کے لیے نامناسب مواد تک رسائی کو روکے۔ فارم پر نامناسب یا بالغ مواد پوسٹ کرنے سے روکا نہیں جاتا ہے لیکن اب کمپنی کی طرف سے چند شرائط کے ساتھ باضابطہ طور پر منظوری دی گئی ہے۔

اب جو صارفین نامناسب یا پرتشدد مواد پوسٹ کرتے ہیں ان سے کمپنی کی جانب سے اپنی میڈیا سیٹنگز کو تبدیل کرنے کے لیے کہا جائے گا کہ وہ ایسے مواد میں تصاویر اور ویڈیوز شامل کریں جنہیں دیکھنے سے پہلے وارننگ دی جاتی ہے۔

18 سال سے کم عمر کے افراد یا ایسے صارفین جن کی پروفائل پر تاریخ پیدائش کا اندراج نہیں ہے وہ ایسا مواد نہیں دیکھ سکیں گے۔اگر صارف نامناسب مواد کے حوالے سے میڈیا سیٹنگز کو تبدیل نہیں کرتا ہے تو کمپنی ایسا کرے گی۔

نئی پالیسیوں کا اطلاق مصنوعی ذہانت (AI) ٹیکنالوجی سے تیار کردہ ویڈیوز اور تصاویر پر بھی ہوگا۔ کمپنی نے کہا کہ "ہم سمجھتے ہیں کہ صارفین کو تمام مواد بنانے، پوسٹ کرنے اور دیکھنے کی آزادی ہے جب تک کہ یہ قانونی طور پر تیار اور پوسٹ کیا جاتا ہے۔