کریان شمونہ پر حزب اللٰہ کے حملے میں 2اسرائیلی اہلکار ہلاک 20 زخمی

نیوز ٹوڈے :   حزب اللٰہ کے شمالی اسرائیل پر کیے گۓ میزائل اور ڈرون حملوں میں 2 اسرائیلی جاں بحق اور 20 زخمی ہو گۓ - حزب اللٰہ کے لڑاکوں نے اسرائیلی علاقے (کریات شمونہ) پر بھی ٹینک تباہ کرنے والی میزائل سے حملہ کیا جس سے ایک مکان میں آگ بھڑک اٹھی - حزب اللٰہ کے حملے سے کچھ دیر قبل ہی فوجی جنگی تیاریوں کا جائزہ لینے کیلیے (اسرائیلی وزیر اعظم نیتن یاہو) کریات شمونہ کا دورہ کرکے لوٹے تھے - دوسری طرف غزہ پر اسرائیلی حملے بھی لگاتار جاری ہیں پچھلے چوبیس گھنٹوں کے دوران 70 سے زیادہ فلسطینی شہید ہو چکے ہیں -

اقوام متحدہ کی رپورٹ کے مطابق الاقصٰی ہسپتال میں لاتعداد مریض لاۓ جا رہے ہیں جن میں سے زیادہ تر مریض جھلسنے ، ٹوٹی ہڈیوں اور تیز دھار چیز سے زخمی ہونے والے ہیں - اقوام متحدہ نے غزہ میں امدادی سامان کی ترسیل پر اسرائیلی پابندیوں سے جولائی میں 10 لاکھ سے زائد فلسطینیوں کے بد ترین بھوک کا شکار ہونے کا خطرہ ظاہر کر دیا - یورپی ملک سلووینیا نے بھی فلسطین کو الگ ریاست کی حیثیت سے تسلیم کر لیا ہے - اس طرح فلسطین کو تسلیم کرنے والے ملکوں کی تعداد 146 ہو چکی ہے-