یوٹیوب ویڈیو بنانے والوں کے لیے بڑی خبر
- 11, جون , 2024
![یوٹیوب](https://newstoday.org/uploads/blogs/یوٹیوب.webp)
نیوز ٹوڈے : دنیا کے معروف ویڈیو سٹریمنگ پلیٹ فارم یوٹیوب نے صارفین کا بوجھ ہلکا کر دیا ہے۔ اب صارفین کو مصنوعی ذہانت کے ذریعے سہولت فراہم کی جائے گی۔غیر ملکی خبر رساں ادارے کی رپورٹ کے مطابق یوٹیوب نے مواد تخلیق کرنے والوں کو اے آئی کی جدید سہولیات فراہم کرنا شروع کر دی ہیں۔
رپورٹ کے مطابق، پلیٹ فارم نے یوٹیوب اسٹوڈیو تجزیات میں ایک 'انسپائریشن ٹیب' شامل کیا ہے جو ویڈیو تخلیق کاروں کو نئے آئیڈیاز کے لیے AI پر مبنی تجاویز دے گا۔فیچر کے تحت آنے والے نتائج میں تلاش کے رجحانات اور 'بریک آؤٹ' ویڈیو کلپس شامل ہوں گے۔یوٹیوب انتامیا کا کہنا ہے کہ بریک آؤٹ ویڈیوز دیگر اسی طرح کے چینلز کی ویڈیوز کو نمایاں کریں گے جنہوں نے اچھی کارکردگی کا مظاہرہ کیا ہے۔
واضح رہے کہ اس اپ ڈیٹ کا مقصد تخلیق کاروں کو ان کے جیسے چینلز کے ساتھ اس بات کی بہتر تفہیم فراہم کرنا ہے کہ ان کے ناظرین میں کیا رجحان ہے۔
آخر میں، پلیٹ فارم نے ایک AI فیچر شامل کیا ہے جو تخلیق کاروں کو سرچ بار میں عنوان داخل کرنے کی اجازت دیتا ہے اور یوٹیوب کا مصنوعی ذہانت کا نظام تخلیق کار کے چینل کے ناظرین کی دلچسپیوں کی بنیاد پر تجاویز اور نوٹس فراہم کرے گا۔
![user](https://newstoday.org/uploads/users/6540f5f31eb97.jpeg)
تبصرے