بابر اعظم بنگلہ دیش کے خلاف ٹیسٹ سیریز کے لیے دستیاب ہوں گے

28, جون , 2024

نیوز ٹوڈے : قومی ٹیم کے کپتان بابر اعظم بنگلہ دیش کے خلاف ٹیسٹ سیریز کے لیے دستیاب ہوں گے۔

ذرائع کے مطابق کپتان بابر اعظم کی فزیکل ٹریننگ نیشنل کرکٹ اکیڈمی میں جاری ہے اور وہ آئندہ ہفتے سے نیٹ پریکٹس کریں گے۔یاد رہے کہ اس سے قبل قومی کرکٹ ٹیم کی بنگلہ دیش کے خلاف ہوم سیریز میں بابر، رضوان اور شاہین کو ڈراپ کرکے نئے کھلاڑیوں کو موقع دینے کا قوی امکان تھا۔

بنگلہ دیش کرکٹ ٹیم اگست کے تیسرے ہفتے میں پاکستان آئے گی، بنگلہ دیشی ٹیم دورے میں 2 ٹیسٹ میچز کھیلے گی، ٹیسٹ میچز ورلڈ ٹیسٹ چیمپئن شپ کا حصہ ہیں جب کہ ٹیسٹ میچز کراچی اور راولپنڈی میں کرانے کی تجویز ہے