اسحاق ڈار سے امریکی سفیر ڈونلڈ بلوم اور چینی سفیر جیانگ زیڈونگ نے ملاقات کی

29, جون , 2024

نیوز ٹوڈے : نائب وزیراعظم اور وزیر خارجہ اسحاق ڈار سے امریکی سفیر ڈونلڈ بلوم اور چینی سفیر جیانگ زیڈونگ نے الگ الگ ملاقاتیں کیں، ملاقاتوں میں دو طرفہ تعلقات سمیت مختلف امور پر تبادلہ خیال کیا گیا-نائب وزیراعظم اور وزیر خارجہ سے امریکی سفیر ڈونلڈ بلوم کی ملاقات میں دو طرفہ تعلقات میں تازہ ترین پیش رفت کا جائزہ لیا گیا۔

ملاقات میں فریقین نے باہمی تعلقات کو آگے بڑھانے کے طریقوں پر بھی تبادلہ خیال کیا۔پاکستان میں چین کے سفیر جیانگ زیڈونگ نے بھی اسحاق ڈار سے ملاقات کی، جس میں پاک چین اسٹریٹجک پارٹنرشپ کا اعادہ کیا گیا۔

فریقین نے وزیراعظم کے دورہ چین کے دوران طے پانے والے دوطرفہ معاہدے پر عملدرآمد کے عزم کا اعادہ کیا۔نائب وزیراعظم اور وزیر خارجہ اسحاق ڈار سے چینی سفیر کی ملاقات میں پاک چین دوستی کو مزید مضبوط بنانے اور سی پیک کو اپ گریڈ کرنے کے عزم کا اظہار کیا