فلپائن میں پٹاخوں کی فیکٹری میں خوفناک آتشزدگی

01, جولائی , 2024

نیوز ٹوڈے : فلپائن میں پٹاخے بنانےوالی فیکٹری کے گودام میں آگ بھڑک اٹھی جس سے فیکٹری میں کام کرتے 5 مزدور ہلاک اور 38 زخمی ہو گۓ ـ بین الاقوامی میڈیا کے مطابق فلپائن کا شہر (زمبوانگا) پٹاخوں کے ایک کارخانے میں ہونے والے دھماکے سے لرز اٹھا - دھماکے سے ارد گرد کھڑی گاڑیوں اور رہائشی عمارتوں کو بھی شدید نقصان پہنچا ـ دھماکے سے لگنے والی آگ اتنی شدید تھی کہ فائر بریگیڈ کا عملہ 3 گھنٹوں کی انتھک محنت کے بعد آگ پر قابو پا سکا -

ریسکیو اہلکاروں نے فیکٹری کے ارد گرد کی عمارتو ں کو خالی کروا لیا - تاہم ابھی تک فیکٹری میں لگنے والی آگ کی اصل وجہ معلوم نہیں ہو سکی - البتہ واقعہ کی تحقیقات کیلیے انکوائری کمیٹی تشکیل دے دی گئی ہے ـ دھماکے میں جاں بحق اور زخمی ہونے والے افراد کو ہسپتال منتقل کر دیا گیا ہے جہاں پر ایک زخمی کی حالت خراب بتائی جا رہی ہے جس سے ہلاکتوں میں اضافے کا خدشہ ظاہر کیا جا رہا ہے -