ہماری فوج نے حماس کا گلہ گھونٹ دیا ـ اسرائیلی دفاع (یووگیلنٹ ) نے دیا بیان

نیوز ٹوڈے :   اسرائیل کے وزیر دفاع ( یووگیلنٹ ) نے ایک بیان میں کہا ہے کہ ' ہم حماس کی شہ رگ تک پہنچ چکے ہیں - اسرائیلی وزیر دفاع نے رفع میں کیے گۓ اپنے ایک فیلڈ ورک کے دوران کہا کہ ہماری فوج نے غزہ میں حماس تحریک کا گلا گھونٹ دیا ہے - انہوں نے کہا کہ ہم ایسی جگہوں تک پہنچ چکے ہیں جہاں پر غزہ کی گہرائیوں میں جانے کا ہم نے خواب بھی نہیں دیکھا تھا - اسرائیلی وزیر دفاع کا کہنا تھا کہ حماس مکمل طور پر تھک چکی ہے اور اب وہ دوبارہ سنبھلنے سے قاصر ہے - ( یووگیلنٹ ) کا کہنا تھا کہ ہم غزہ میں جنگ اس وقت تک جاری رکھیں گے جب تک حماساپنی صلاحیتوں کو دوبارہ استوار کرنے میں ناکام نہیں ہو جاتی -

اس سے قبل اسرائیلی وزیر اعظم نیتن یاہو نے بھی اپنی جنگی کابینہ کو بتایا تھا کہ ان کی فوج رفع ، شجاعیہ اور غزہ کی پوری پٹی پر کام کر رہی ہے - ان کا کہنا تھا کہ یہ ایک مشکل مشن ہے جس پر ہم زمین کے اوپر اور زمین کے اندر آمنے سامنے کی جنگ لڑ رہے ہیں - غزہ کے شجاعیہ محلے میں چھٹے روز بھی جنگ جاری ہے دس ہزار فلسطینی نقل مکانی پر مجبور ہو گۓ ہیں - صیہونی فوج نے رات کے وقت کئی علاقوں کو فضائی حملوں کا نشانہ بنایا ـ جمعرات سے صیہونی فوج کا شجاعیہ میں آپریشن جاری ہے - صیہونی فوج کا کہنا ہے کہ شجاعیہ میں حماس کا بنیادی ڈھانچہ موجود ہے ـ حماس اور اسلامی جہاد کے مسلح ونگز کے مطابق وہ شجاعیہ میں صیہونی فوج کا بھر پور مقابلہ کر رہے ہیں -