امریکی محکمہ خارجہ کا ایوان نمائندگان میں پاکستان کی قرارداد پر ردعمل

02, جولائی , 2024

نیوز ٹوڈے : امریکی محکمہ خارجہ کے نائب ترجمان ویدانت پٹیل نے ایوان نمائندگان میں پاکستان سے متعلق قرارداد پر ردعمل کا اظہار کرتے ہوئے کہا ہے کہ کانگریس زیر التوا قانون سازی پر بحث نہیں کر سکتی۔واشنگٹن میں پریس بریفنگ دیتے ہوئے امریکی ترجمان نے کہا کہ امریکی جمہوری نظام میں کانگریس حکومت کی الگ شاخ ہے۔

انہوں نے کہا کہ وہ اس معاملے کو پاکستانی حکام کے ساتھ اٹھاتے رہے ہیں، امریکی اعلیٰ حکام نے مسلسل، نجی اور عوامی سطح پر پاکستان پر زور دیا ہے کہ وہ آئین کے مطابق لوگوں کے حقوق کا احترام کرے، انسانی حقوق اور بنیادی آزادیوں کا احترام کرے۔ .

ویدانتا پٹیل نے کہا کہ اس میں اظہار رائے کی آزادی، پرامن اجتماع اور مذہبی آزادی بھی شامل ہے۔