دشمن جان لیں کہ امریکہ اور اسرائیل آج، کل اور ہمیشہ ساتھ کھڑے ہیں: نیتن یاہو
- 22, جولائی , 2024
![نیتن یاہو](https://newstoday.org/uploads/blogs/669e4278d2cd8.webp)
نیوز ٹوڈے : غیرملکی خبررساں ادارے کے مطابق امریکا کے دورے پر روانگی سے قبل اپنے بیان میں نیتن یاہو نے کہا کہ جو بھی امریکا کا صدر منتخب ہوا، اسرائیل مشرق وسطیٰ میں امریکا کا مضبوط ترین اتحادی رہے گا۔
نیتن یاہو نے کہا کہ اسرائیل کے دشمن جان لیں کہ امریکہ اور اسرائیل آج، کل اور ہمیشہ ساتھ کھڑے ہیں۔انہوں نے کہا کہ وہ اسرائیل کے لیے ہر ممکن اقدامات کرنے پر امریکی صدر جو بائیڈن کے مشکور ہیں۔
اسرائیلی وزیر اعظم نے یہ بھی کہا کہ امریکہ میں یرغمالیوں کی رہائی، حماس کو شکست دینے اور ایران اور اس کے پراکسیوں کا مقابلہ کرنے کے معاملے پر بات ہوگی۔اسرائیلی وزیراعظم کل امریکی صدر جو بائیڈن سے ملاقات کریں گے۔ اسرائیلی وزیر اعظم کا کانگریس سے خطاب بدھ کو ہونا ہے۔
![user](https://newstoday.org/uploads/users/6540f5f31eb97.jpeg)
تبصرے