زونگ کے صارفین کے لیے خوشخبری

31, جولائی , 2024

نیوز ٹوڈے : 'Zong' نے آن لائن بکنگ پورٹل اور ہوم ڈیلیوری سروس متعارف کرائی۔زونگ فور جی کے ترجمان نے کہا کہ آن لائن بکنگ پورٹل اور ہوم ڈیلیوری سروس Zong کے اختراعی اقدامات ہیں، جس کے ذریعے Zong کمپنی اپنی مصنوعات اور خدمات کو صارفین کی دہلیز تک پہنچانا چاہتی ہے۔ ترجمان نے کہا کہ آن لائن بکنگ پورٹل کے ذریعے صارفین گھر بیٹھے نئے پری پیڈ سم کارڈز، ڈیٹا سمز، ایم بی بی ڈیوائسز، سم کی تبدیلی اور سم کارڈ کی تبدیلی سمیت دیگر خدمات حاصل کر سکتے ہیں۔ ابتدائی طور پر پاکستان کے دارالحکومت اسلام آباد سمیت 53 شہروں میں آن لائن بکنگ پورٹل اور ہوم ڈیلیوری سروس متعارف کرائی گئی ہے تاہم جلد ہی یہ خدمات پورے پاکستان کے شہریوں کو فراہم کر دی جائیں گی۔

جن شہروں میں یہ سروس فی الحال دستیاب ہے ان میں لاہور، راولپنڈی، فیصل آباد، گوجرانوالہ، ملتان، بہاولپور، قصور، ساہیوال، جہلم، گجرات، منڈی بہاؤالدین، ڈسکہ، خانپور، اگوکی، سیالکوٹ، ننکانہ، شامل ہیں۔