پی ٹی آئی کے رکن ممتاز مصطفیٰ انتقال کرگئے

05, اگست , 2024

نیو زٹوڈے : ترجمان قومی اسمبلی کے مطابق ممتاز مصطفی دل کا دورہ پڑنے سے انتقال کرگئے۔

ایم این اے کے انتقال کے حوالے سے سپیکر قومی اسمبلی سردار ایاز صادق کو بھی آگاہ کر دیا گیا ہے اور بتایا جا رہا ہے کہ رکن قومی اسمبلی کے انتقال کے باعث آج قومی اسمبلی کا اجلاس بغیر کارروائی کے ملتوی کر دیا جائے گا۔

ممتاز مصطفیٰ کا تعلق رحیم یار خان سے تھا اور وہ پی ٹی آئی کے ٹکٹ پر این اے 171 رحیم یار خان سے منتخب ہوئے تھے۔