میئر سکھر کا زیر تعمیر اسپورٹس اسٹیڈیم کا نام ارشد ندیم کے نام پر رکھنے کا فیصلہ
- 09, اگست , 2024
نیوز ٹوڈے : پیرس اولمپکس میں پاکستان کے لیے گولڈ میڈل جیتنے کے بعد سکھر کے میئر بیرسٹر ارسلان اسلام شیخ نے سونے کا تاج اور اسپورٹس اسٹیڈیم کو ارشد ندیم کے نام سے منسوب کرنے کا اعلان کیا۔
ارسلان اسلام شیخ نے کہا کہ سکھر کے عوام کی پرزور خواہش پر وہ پیرس اولمپکس میں میڈل جیتنے پر پاکستانی جیولن تھرور ارشد ندیم کو سونے کا تاج پیش کریں گے۔انہوں نے کہا کہ اولمپکس میں پاکستان کے لیے گولڈ میڈل جیتنے کے بعد سکھر میں زیر تعمیر نئے اسپورٹس اسٹیڈیم کا نام 'ارشد ندیم اسٹیڈیم' رکھنے کا فیصلہ کیا گیا ہے۔
اس سے قبل میئر کراچی اور سندھ حکومت کے ترجمان مرتضیٰ وہاب نے سندھ حکومت کی جانب سے ارشد ندیم کے لیے 5 کروڑ روپے انعام کا اعلان کیا تھا۔گورنر سندھ کامران ٹیسوری نے 40 سال بعد اولمپکس میں پاکستان کے لیے پہلا گولڈ میڈل جیتنے پر ارشد ندیم کے لیے 10 لاکھ روپے کی انعامی رقم کا اعلان بھی کیا ہے
تبصرے