ارشد ندیم کا طلبہ کو اپنی جیب سے بڑا تحفہ دینے کا اعلان

نیوز ٹوڈے :   پیرس اولمپکس میں 40 سال بعد پاکستان کے لیے گولڈ میڈل جیتنے والے اولمپیئن ارشد ندیم نے طلبہ کو 100 لیپ ٹاپ دینے کا اعلان کیا ہے۔گولڈ میڈلسٹ ارشد ندیم نے گورنر سندھ کے ہمراہ کراچی میں پریس کانفرنس کرتے ہوئے کہا کہ پوری قوم کی دعاؤں سے محنت سے کامیابی حاصل کی، ایڈیشنل آئی جی پولیس سمیت کراچی کے عوام کے مشکور ہیں۔  جس نے بہت عزت اور حوصلہ دیا۔ انہوں نے کانفرنس کے دوران کراچی کے طلباء کو 100 لیپ ٹاپ مفت دینے کا اعلان کیا۔ ارشد ندیم نے کہا کہ وزیراعلیٰ پنجاب مریم نواز نے بھی میرے گاؤں آکر مجھے عزت دی، اسی طرح کراچی اور سندھ کے لوگوں نے بھی بہت پیار دیا جس پر میں بے حد مشکور ہوں۔

اس موقع پر گورنر سندھ کامران ٹیسوری کا کہنا تھا کہ قومی ہیرو کی ایک جھلک دیکھنے کے لیے لوگ گورنر ہاؤس میں جمع ہوئے، انہیں پیار اور احترام سے نوازا گیا۔ انہوں نے اولمپیئن کی لائیو کوریج پر میڈیا کے کردار کو بھی سراہا۔ اس سے قبل سندھ کے سابق گورنر کامران خان ٹیسوری نے اولمپکس 2024 میں شاندار کارکردگی کا مظاہرہ کرنے والے ایتھلیٹ ارشد ندیم کو 20 لاکھ روپے اور پلاٹ اور ان کے اہل خانہ کو آئی فون 15 تحفے میں دیا۔