صحت کے مسائل جو آنکھوں کے گرد سیاہ حلقوں کا باعث بنتے ہیں

نیوز ٹوڈے :   آنکھوں کے گرد سیاہ حلقے نہ صرف چہرے کی خوبصورتی کو خراب کرتے ہیں بلکہ آپ کی شخصیت کو بھی متاثر کرتے ہیں۔بہت سے لوگ آنکھوں کے گرد سیاہ حلقوں کو دور کرنے کے لیے مہنگی مصنوعات کا استعمال کرتے ہیں، کچھ لوگ گھریلو ٹوٹکے بھی آزماتے ہیں، جو وقتی طور پر سیاہ حلقوں کا رنگ ہلکا کر دیتے ہیں لیکن مستقل حل نہیں دیتے۔

بہت کم لوگ جانتے ہوں گے کہ آنکھوں کے گرد سیاہ حلقوں کا سبب بننے والے صحت کے مسائل درج ذیل ہیں۔

الرجی

الرجی بھی سیاہ حلقوں کا باعث بنتی ہے کیونکہ یہ آنکھوں کے نیچے خون کی نالیوں میں سوزش اور پھیلنے کا باعث بنتی ہے جس کی وجہ سے سیاہ حلقے پڑتے ہیں۔جینیات کچھ لوگ جینیاتی طور پر سیاہ حلقوں کا شکار ہوتے ہیں جو علاج کے باوجود دور نہیں ہوتے کیونکہ وہ وراثت میں ملتے ہیں۔اس وجہ سے ایسے لوگوں کی آنکھوں کے نیچے کی جلد پتلی اور رنگت گہری ہوتی ہے۔

پانی کی کمی

جسم میں پانی کی کمی ہو جائے تو جلد مرجھانے لگتی ہے اور جلد پھیکی پڑ جاتی ہے جس سے آنکھوں کے گرد سیاہ حلقے بھی پڑ جاتے ہیں۔

نیند کی کمی

آج کل رات دیر تک جاگنے کا رواج بڑھتا جا رہا ہے جس کی وجہ سے نوجوانوں کے ساتھ ساتھ بچوں میں بھی آنکھوں کے گرد سیاہ حلقوں کی شکایت سامنے آ رہی ہے۔رات کو جلدی سونا نہ صرف صحت بلکہ آنکھوں کے لیے بھی ضروری ہے۔