بابر اعظم اور شاہین آفریدی کو بڑا جھٹکا

  • 05, ستمبر , 2024
بابر اعظم اور شاہین آفریدی

نیوز ٹوڈے :     انٹرنیشنل کرکٹ کونسل نے نئی ٹیسٹ رینکنگ جاری کر دی ہے جس میں سابق کپتان بابر اعظم کو شدید جھٹکا لگا ہے اور ان کی تین درجے تنزلی کر دی گئی ہے۔

تفصیلات کے مطابق قومی ٹیم کے سابق کپتان بابر اعظم تین درجے تنزلی کے ساتھ 12 ویں نمبر پر آگئے ہیں جب کہ بنگلہ دیش کے لیٹن داس نے پاکستان کے خلاف بہترین کارکردگی دکھا کر رینکنگ میں لمبی چھلانگ لگائی اور 12 درجے ترقی کرکے 15 ویں نمبر پر آگئے۔ جگہ ٹاپ ٹین بلے بازوں کی فہرست میں انگلینڈ کے جو روٹ 922 پوائنٹس کے ساتھ پہلی پوزیشن پر ہیں اور مستقبل قریب میں ان کی پوزیشن کو کوئی خطرہ نہیں، نیوزی لینڈ کے کین ولیمسن دوسرے، مچل ڈیرل تیسرے نمبر پر ہیں۔ 

آسٹریلیا کے اسٹیون اسمتھ چوتھے اور انگلینڈ کے ہنری بروک پانچویں نمبر پر چلے گئے ہیں۔ بھارت کے روہت شرما چھٹے، یشوی جیسوال ساتویں اور ویرات کوہلی آٹھویں نمبر پر ہیں۔ آسٹریلیا کے عثمان خواجہ نویں نمبر پر آگئے ہیں۔ پاکستان کے محمد رضوان اور آسٹریلیا کے مارنس لابوشین 10ویں نمبر پر ہیں۔

user

تبصرے

بطور مہمان تبصرہ کریں:
+

خاص خبریں

تازہ ترین

اقسام