سیمنٹ انڈسٹریز کو بڑا جھٹکا، کنسٹرکشن انڈسٹری بیٹھ گئی

نیوز ٹوڈے :  پاکستان میں سیمنٹ کی گھریلو مانگ گزشتہ 12 ماہ سے مسلسل کم ہو رہی ہے۔آل پاکستان سیمنٹ مینوفیکچررز ایسوسی ایشن (اے پی سی ایم اے) کے مطابق، پاکستانی سیمنٹ مینوفیکچررز نے اگست میں 33.66 لاکھ ٹن سیمنٹ فروخت کیا، اگست 2023 کے مقابلے اگست 2024 میں سیمنٹ کی فروخت میں 25 فیصد کمی ہے۔ اے پی سی ایم اے کے مطابق۔ اگست میں سیمنٹ کی ملکی کھپت 27 فیصد کم ہو کر 2.7 ملین ٹن رہی جبکہ سیمنٹ کی برآمد اگست میں 16 فیصد کم ہو کر 6.13 ملین ٹن رہی۔ اے پی سی ایم اے کے ترجمان کے مطابق سیمنٹ کی مقامی مانگ 12 ماہ سے مسلسل کم ہو رہی ہے۔ سیمنٹ کی کھپت بھاری ٹیکسوں اور معاشی بے یقینی کا شکار ہے۔

ترجمان نے کہا کہ بجٹ میں دیگر وفاقی اور صوبائی ٹیکسوں میں بے تحاشہ اضافے کے ساتھ سیمنٹ پر ایکسائز دوگنا کر دی گئی ہے، کسی اور کاروبار پر اتنے بڑے پیمانے پر ٹیکس نہیں لگایا گیا، حکومت ٹیکسز پر نظرثانی کرے۔ ترجمان نے کہا کہ تعمیراتی سرگرمیاں کم ہوں گی۔ سیمنٹ کی ملکی طلب میں مسلسل کمی آرہی ہے، اس مالی سال کے پہلے دو ماہ میں سیمنٹ کی فروخت 18 فیصد کم رہی، جولائی اور اگست میں سیمنٹ کی کھپت 63.75 لاکھ ٹن رہی۔ اے پی سی ایم اے کے مطابق دو ماہ میں سیمنٹ کی ملکی طلب دو ماہ میں سیمنٹ کی برآمدات 1.6 فیصد کم ہو کر 11.6 لاکھ ٹن رہ گئیں۔