اسٹیبلشمنٹ نے ہمیں دھوکہ دیا، آج سے مذاکرات کے دروازے بند ہیں، عمران خان

نیوز ٹوڈے :    پی ٹی آئی کے بانی عمران خان نے کہا ہے کہ اسٹیبلشمنٹ نے ہمیں دھوکہ دیا، آج سے اسٹیبلشمنٹ سمیت کسی بھی جماعت سے مذاکرات کے دروازے بند کر رہا ہوں۔

 تفصیلات کے مطابق اڈیالہ جیل میں صحافیوں سے غیر رسمی گفتگو کرتے ہوئے انہوں نے کہا کہ آج سے پارٹی کو ہدایت کر رہا ہوں کہ اسٹیبلشمنٹ سے مذاکرات نہ کریں، اسٹیبلشمنٹ نے ہمیں دھوکہ دیا، آج سے اسٹیبلشمنٹ سمیت کسی جماعت سے مذاکرات نہیں کروں گا۔ میں دروازے بند کر رہا ہوں۔

انہوں نے کہا کہ میں نے 6 پارٹی رہنماؤں کو اسٹیبلشمنٹ سے بات کرنے کی اجازت دی تھی، میں نے کبھی کسی کو بات کرنے سے نہیں روکا، 8 ستمبر کی میٹنگ کی تاریخ اور این او سی اسٹیبلشمنٹ نے دیا تھا۔ اگر نہیں تو 21 ستمبر کو لاہور میں جلسہ کریں گے۔

عمران خان نے کہا کہ علی امین گنڈا پور کو اسٹیبلشمنٹ نے اٹھایا، یہ اخبارات میں چھپتا ہے، ایک صوبے کا وزیراعلیٰ اٹھا کر آپ نفرتیں بڑھا رہے ہیں۔صحافی نے سوال کیا کہ علی امین گنڈا پور کے بیانات سے بغاوت کا تاثر ملتا ہے کہ کیا آپ بغاوت کی ترغیب دے رہے ہیں؟

عمران خان نے کہا کہ ہم نے کیا بغاوت کی ہے؟ علی امین گنڈا پور نے قوم کے جذبات کا اظہار کیا ہے اور میں علی امین گنڈا پور کے ساتھ کھڑا ہوں، علی امین گنڈا پور بزدل ہیں جو اپنے بیان پر معافی مانگیں، انہیں پارٹی میں نہیں رہنا چاہیے، انہیں پارٹی چھوڑ دینی چاہیے۔

کئی سوالوں کے جواب دیتے ہوئے انہوں نے کہا کہ بلوچستان پہلے ہی آپ کے ہاتھ سے نکل چکا ہے، فیصل واوڈا ان کا منہ بولتا ثبوت ہے، آپ ارشد شریف قتل کیس کا اوپن ٹرائل کریں، حکومت کو آئی ایم ایف سے ڈیل کا علم نہیں۔