سوشل میڈیا پر ایک ارب فالوورز کے ساتھ رونالڈو نے تاریخ رقم کردی
- 13, ستمبر , 2024
نیوز ٹوڈے : پرتگال کے اسٹار فٹبالر کرسٹیانو رونالڈو نے سوشل میڈیا پلیٹ فارمز پر ایک اور سنگ میل عبور کرلیا۔
چند روز قبل کرسٹیانو رونالڈو کو یوٹیوب کی جانب سے چند گھنٹوں میں لاکھوں سبسکرائبرز حاصل کرنے پر سلور، گولڈن اور ڈائمنڈ بٹن سے نوازا گیا۔اب اسٹار فٹبالر نے سوشل میڈیا پلیٹ فارم ایکس پر ایک تفصیلی پوسٹ میں انہوں نے لکھا کہ ہم نے ایک ارب فالوورز کے ساتھ تاریخ رقم کی ہے، یہ صرف تعداد نہیں بلکہ کھیل سے ہماری بے پناہ محبت، جنون اور عزم ہے۔
کرسٹیانو رونالڈو نے کہا کہ میڈیرا کی سڑکوں سے لے کر دنیا کے سب سے بڑے اسٹیج تک میں نے اپنے خاندان اور اپنے مداحوں کے لیے کھیلا اور اب ہم ایک ارب کے لیے ایک ساتھ کھڑے ہیں، آپ لوگوں نے اچھے اور برے میں میرے ساتھ کھڑے رہے۔ تو یہ سفر ہمارا سفر ہے اور ہم سب نے یہ دکھایا کہ ہم مل کر کچھ بھی حاصل کر سکتے ہیں۔
کرسٹیانو رونالڈو نے کہا کہ مجھ پر بھروسہ کرنے، مجھے سپورٹ کرنے اور میری زندگی کا حصہ بننے کے لیے آپ سب کا شکریہ، بہترین وقت ابھی آنا باقی ہے، ہم سب کو مل کر جیت کر تاریخ رقم کرنی ہے۔
.webp)
.webp)
.webp)
تبصرے