امریکی صدارتی امیدوار ڈونلڈ ٹرمپ کے قریب فائرنگ کا ایک اور واقعہ

نیوز ٹوڈے :   گالف کے میدان میں سابقہ امریکی صدر ڈونلڈ ٹرمپ کے نزدیک فائرنگ - بین الاقوامی میڈیا کی رپورٹ کے مطابق صدارتی امیدوار ڈونلڈ ٹرمپ فائرنگ کے اس واقعہ میں محفوظ رہے - امریکی میڈیا کا کہنا ہے کہ ڈونلڈ ٹرمپ (فلوریڈا میں ویسٹ پام پیج میں قائم گالف کلب) میں گالف کھیل رہے تھے کہ ان کے قریب فائرنگ کا واقعہ پیش آیا -میڈیا رپورٹ کے مطابق ویسٹ پام پیج گالف کلب کے قریب دو افراد کے درمیان فائرنگ کا تبادلہ ہوا جو کہ ایک دوسرے پر فائرنگ کر رہے تھے - فائرنگ ڈونلڈ ٹرمپ پر نہیں کی گئی ـ سابقہ امریکی صدر کے ترجمان کی طرف سے میڈیا کو دی گئی اطلاعات کے مطابق ڈونلڈ ٹرمپ محفوظ ہیں - ابھی تک اس واقعہ کے بارے میں مزید معلومات حاصل نہیں ہو سکیں -

ڈونلڈ ٹرمپ کے سوشل میڈیا ایکس پر دیے گۓ بیان کے مطابق قانون نافذ کرنے والے اداروں کو جھاڑیوں کے درمیان میں سے ایک اے ۔ کے 47 گن ملی ہے اور شک کی بنیاد پر ایک شخص کو بھی گرفتار کر لیا گیا ہے - امریکی انتخابات کے صدارتی امیدور ڈونلڈ ٹرمپ پر جولائی میں بھی فائرنگ کی گئی جس میں وہ زخمی ہوگۓ تھے اور ریلی میں شریک ایک شخص ہلاک بھی ہو گیا تھا - اس واقعہ میں فائرنگ کے بعد سیکیورٹی اہلکاروں کی جوابی فائرنگ سے حملہ آور بھی ہلاک ہو گیا تھا -