عظیم فٹبالر رونالڈو کے نام کا سکہ جاری کرنے کا فیصلہ، کون سا ملک کرے گا؟

نیوز ٹوڈے :   اپنے شاندار کیرئیر میں لاتعداد کارنامے انجام دینے والے پرتگال سے تعلق رکھنے والے فٹبال کے عالمی سپر اسٹار کرسٹیانو رونالڈو اب ایک اور اعزاز اپنے نام کرنے جارہے ہیں۔غیر ملکی میڈیا رپورٹس کے مطابق پرتگال 5 بار کے بیلن ڈی اور جیتنے والے کرسٹیانو رونالڈو کے اعزاز میں کرنسی کا سکہ جاری کرے گا۔ پرتگال اپنے عظیم فٹبالر رونالڈو کی کھیل کے میدان میں شاندار خدمات کے اعتراف میں '7 یورو' کا سکہ جاری کرنے والا ہے۔ رپورٹس کے مطابق اس خصوصی سکے پر رونالڈو کی تصویر اور اس کا نام اور شرٹ نمبر 'CR7' ابھرا ہوگا۔

اس سکے کی خاص بات یہ ہے کہ رونالڈو کے نام کے ساتھ یہ سکہ ملک بھر میں بطور کرنسی قبول کیا جائے گا۔ واضح رہے کہ کرسٹیانو رونالڈو حال ہی میں اپنے پروفیشنل کیرئیر میں 900 گول کرنے والے دنیا کے پہلے فٹبالر بن گئے ہیں۔ رونالڈو نے پرتگال کی طرف سے کھیلتے ہوئے 131 گول (کسی بھی کھلاڑی کے سب سے زیادہ بین الاقوامی گول) کئے۔ کلب مقابلوں کی بات کریں تو 5 بار بیلن ڈی آر ایوارڈ جیتنے والے رونالڈو نے مانچسٹر یونائیٹڈ کے لیے 145 رنز بنائے۔ ریئل میڈرڈ کی طرف سے کھیلتے ہوئے 450 گول اور جووینٹس کی نمائندگی کرتے ہوئے 101 گول کئے۔ اس کے علاوہ رونالڈو نے اپنے موجودہ کلب النصر کے لیے 68 گول کیے جب کہ لزبن کے لیے 5 گول کیے ہیں۔