امریکی صدر جو بائیڈن اپنے پاس بیٹھے نریندر مودی کا نام بھول گئے

23, ستمبر , 2024

نیوز ٹوڈے : امریکی صدر جو بائیڈن تقریب کے دوران بھارتی وزیراعظم نریندر مودی کا تعارف کرانا بھول گئے۔بھارتی وزیراعظم نریندر مودی 3 روزہ دورے پر گزشتہ روز امریکا پہنچے جہاں صدر جو بائیڈن نے عالمی رہنماؤں کے ساتھ پریس کانفرنس کی، اس دوران وہ بھارتی وزیراعظم کا تعارف کرانا بھول گئے۔ کواڈ لیڈرز سمٹ کی پریس کانفرنس میں امریکی صدر جو بائیڈن نے نریندر مودی کو اسٹیج پر مدعو کرنا تھا لیکن وہ الجھن میں پڑ گئے اور انہیں معلوم نہیں تھا کہ تینوں سربراہان حکومت میں سے کس کا تعارف کرانا ہے۔

81 سالہ جو بائیڈن نے کہا کہ آپ سب کا شکریہ۔ اور اب میں کس کو متعارف کرانے جا رہا ہوں؟ اگلا کون ہے؟ ان کی گھبراہٹ کو دیکھ کر عملے کے ایک رکن نے جو بائیڈن کو بتایا کہ نریندر مودی بھارت کے وزیراعظم ہیں، جس کے فوراً بعد بھارتی وزیراعظم اسٹیج پر آئے اور امریکی صدر سے مصافحہ کیا۔