حماس کے سربراہ یحییٰ سنوار کے بارے میں اسرائیلی پروپیگنڈا غلط ہے: حماس ترجمان

24, ستمبر , 2024

نیوز ٹوڈے : فلسطینی مزاحمتی تنظیم حماس نے یحییٰ سنوار کے بارے میں اسرائیلی پروپیگنڈے کو جھوٹا قرار دیتے ہوئے مسترد کردیا۔ یحییٰ سنوار غزہ میں خیریت سے ہیں اور غزہ میں حماس کی سیاسی اور عسکری قیادت مکمل رابطے میں ہے۔

اپنے بیان میں ڈاکٹر خالد قدومی نے کہا کہ یحییٰ سنوار غزہ میں اسرائیل کے خلاف مزاحمت کی قیادت کر رہے ہیں، یحییٰ سنوار سے رابطہ منقطع کرنے کا اسرائیلی پروپیگنڈہ غلط ہے۔انہوں نے کہا کہ اسرائیل جھوٹی خبریں پھیلا کر فلسطینی عوام کے حوصلے پست کرنا چاہتا ہے لیکن وہ ثابت قدم عظیم فلسطینی عوام کے حوصلے کو کبھی شکست نہیں دے سکے گا۔