قتل کیس میں نامزد سابق کپتان شکیب الحسن کے لیے خوشخبری

25, ستمبر , 2024

نیوز ٹوڈے : بنگلہ دیش کے سابق کپتان شکیب الحسن کو جنوبی افریقہ کے خلاف ہوم سیریز کھیلنے کا گرین سگنل مل گیا۔

شکیب الحسن قتل کیس میں نامزد ہیں جس کے بعد شکیب وطن واپس نہیں آئے، وہ پاکستان کے خلاف سیریز کھیلنے کے بعد انگلینڈ چلے گئے اور پھر بھارت میں ٹیم کو جوائن کیا۔ بنگلہ دیش کرکٹ کے سربراہ شکیب الحسن کی ہوم سیریز کے حوالے سے۔ بورڈ آپریشنز شہریار نفیس نے کہا کہ شکیب الحسن کے بنگلہ دیش میں کھیلنے سے کوئی مسئلہ نہیں، حکومت کی جانب سے واضح پیغام ہے کہ کسی کو غیر منصفانہ طور پر ہراساں نہیں کیا جائے گا۔

انہوں نے کہا کہ انجری یا فارم کی وجہ سے منتخب نہ ہونا الگ بات ہے، ان کے کھیلنے میں کوئی حرج نہیں، حکومتی قانونی مشیر نے شکیب الحسن کو وطن واپسی پر گرفتار نہ کرنے کا کہا ہے۔ واضح رہے کہ جنوبی افریقہ کو 2 ٹیسٹ میچوں کی سیریز کے لیے اکتوبر میں بنگلہ دیش کا دورہ کرنا ہے، جنوبی افریقہ کے خلاف پہلا ٹیسٹ 21 اکتوبر اور دوسرا ٹیسٹ 29 اکتوبر سے شیڈول ہے۔