نریندر مودی کا طیارہ 46 منٹ تک پاکستان کی فضائی حدود میں کیوں اڑتا رہا؟

25, ستمبر , 2024

نیوز ٹوڈے : بھارتی وزیراعظم نریندر مودی 46 منٹ تک پاکستان کی فضائی حدود میں رہے۔ذرائع کا کہنا ہے کہ بھارتی وزیراعظم کا طیارہ شام ساڑھے 6 بجے چترال کے راستے افغانستان سے پاکستانی فضائی حدود میں داخل ہوا اور لاہور کے قریب بھارتی فضائی حدود میں داخل ہوا جبکہ شام ساڑھے 6 بجے تک پاکستانی فضائی حدود میں پرواز کرتا رہا۔

ایوی ایشن ذرائع کے مطابق بھارتی وزیراعظم نریندر مودی امریکا سے واپس بھارت جاتے ہوئے پاکستانی فضائی حدود سے گزر رہے تھے۔بھارتی وزیراعظم نریندر مودی امریکا کا 3 روزہ دورہ مکمل کرکے واپس بھارت پہنچ گئے ہیں۔

بھارتی میڈیا کے مطابق مودی نے اپنے دورہ امریکا کے دوران امریکی صدر بائیڈن کی قیادت میں کواڈ لیڈرز سمٹ میں شرکت کی۔مودی نے یو این فیوچر سمٹ سے خطاب کیا اور کئی سربراہان مملکت سے بھی ملاقات کی۔