سابق کرکٹر دل کا دورہ پڑنے سے انتقال کر گئے

26, ستمبر , 2024

نیوز ٹوڈے : پاکستانی نژاد سابق کرکٹر عاصم خان دل کا دورہ پڑنے سے لاہور میں انتقال کر گئے۔

خاندانی ذرائع کے مطابق پاکستانی نژاد سابق کرکٹر عاصم خان لاہور میں انتقال کر گئے۔ عاصم خان کی عمر 62 سال تھی اور وہ اس وقت لاہور میں مقیم تھے۔ اہل خانہ کے مطابق عاصم خان کو گھر سے نکلتے وقت دل کا دورہ پڑا اور وہ جانبر نہ ہوسکے۔ عاصم خان کی اہلیہ، بیٹے اور بیٹی کی ہالینڈ سے آمد کے بعد تدفین کی جائے گی۔

ہالینڈ کی انڈر 19 ٹیم کے عاصم خان کوچ بھی رہے۔ عاصم خان ان دنوں سرکاری ٹی وی میں بطور تجزیہ کار کام کر رہے تھے۔