یمنی حوثی لڑاکوں نے کیا امریکہ کا ایم کیو نائن ڈرون تباہ

01, اکتوبر , 2024

نیوز ٹوڈے : یمن کی (حوثی جماعت) نے مار گرایا امریکہ کا ڈرون طیارہ ـ اور حوثی لڑاکوں نے امریکہ کے "ایم کیو نائن ڈرون" کی تباہی کی ویڈیو بھی جاری کر دی - اس ویڈیو میں آسانی سے دیکھا جا سکتا ہے کہ فضا میں کوئی چیز جل رہی ہے اور اس کا ملبہ زمین پر گر رہا ہے - یمن کی حوثی جماعت کے لڑاکوں نے دعویٰ کیا ہے کہ اس انہوں نے شمالی یمن کی فضائی حدود میں اڑان بھرتے امریکی ساختہ ایم کیو نائن ڈرون کو مار گرایا ہے -

حوثی جماعت کے ترجمان (یحیٰ سری) کے بیان کے مطابق 'امریکی ڈرون کو ہمارے فضائی دفاعی سسٹم نے اس وقت روکا جب وہ صوبہ سعدہ پر اڑان بھر رہا تھا - حوثی ترجمان کے مطابق ہماری جماعت غزہ جنگ شروع ہونے سے لے کر اب تک 11 امریکی ڈرون تباہ کر چکی ہے'-امریکہ کی فوج کی جانب سے ابھی تک حوثی جماعت کے اس دعوے سے متعلق کوئی بیان سامنے نہیں آیا - حوثی ترجمان کا کہنا تھا کہ اتوار کے دن اسرائیل نے امریکہ کے ساتھ مل کر یمن کے صوبہ الحدیدہ کی رہائشی عمارتوں پر 17 فضائی حملے کیے-